ବୁଥ୍‌ ଭିତରୁ ଇଭିଏମ୍‌ ଲୁଟି ନେଲେ ପ୍ରାର୍ଥୀଙ୍କ ସ୍ୱାମୀ

ବାରିପଦା: ବାରିପଦାରେ ଇଭିଏମ ଲୁଟ୍ । ୬ ନଂ ଓ୍ୱାର୍ଡରେ ଭୋଟିଂ ପରେ ଜଣେ ପ୍ରାର୍ଥୀଙ୍କ ସ୍ୱାମୀ ଓ ତାଙ୍କ ସମର୍ଥକ ମିଶି ବିନା ସିଲ୍‌ରେ ଇଭିଏମ ମେସିନ ନେଇଯାଇଥିବାର ଅଭିଯୋଗ କରି ବୁଥରେ ଉତ୍ତେଜନା । ଧାରଣାରେ ବସିଲେ ଅନ୍ୟ ପ୍ରାର୍ଥୀ । ବାରିପଦା ମ୍ୟୁନିସିପାଲ୍‌ଟି ୬ନଂ ଓ୍ୱାର୍ଡର ଶ୍ରୀରାମଚନ୍ଦ୍ର ପ୍ରାଥମିକ ବିଦ୍ୟାଳୟରେ ୧୫ ଏବଂ ୧୬ ନଂ ବୁଥରେ ଘଟିଛି ଏପରି ଘଟଣା। ୧୬ ନଂ ବୁଥରେ ମତଦାନ ପରେ ବିନା ସିଲରେ ଇଭିଏମକୁ ପ୍ରିଜାଇଡିଂ ଅଫିସର ଓ ବିଜେଡି ପ୍ରାର୍ଥୀଙ୍କ ସମର୍ଥକ ମିଶି ନେଇ ଯାଇଛନ୍ତି । ଅନ୍ୟ ପ୍ରାର୍ଥୀଙ୍କ ପୋଲିଂ ଏଜେଣ୍ଟମାନଙ୍କୁ ଜବରଦସ୍ତି ବାହାରକୁ ପଠାଇ ଏଭଳି କାର୍ୟ୍ୟ କରାଯାଇଛି ବୋଲି ଅଭିଯୋଗ ହୋଇଛି । ତେବେ ଏହାକୁ ବିରୋଧ କରି ଅନ୍ୟ ପ୍ରାର୍ଥୀମାନେ ୧୫ନଂ ବୁଥର ଇଭିଏମକୁ ଅଟକାଇ ରଖି ଧାରଣାରେ ବସିଛନ୍ତି । ପ୍ରଶାସନ ଓ ପୋଲିସ ସମସ୍ତଙ୍କୁ ବୁଝାସୁଝା କରି ସମାଧାନ କରିବା ପାଇଁ ଚେଷ୍ଟା କରୁଛି।