ବିପଦସଙ୍କୁଳ ଅଙ୍ଗନବାଡି :ପର ବାରଣ୍ଡା, ଗଛମୂଳେ ଶିଶୁ

ପାପଡାହାଣ୍ଡି,(ଗଗନ ଗନ୍ତାୟତଙ୍କଠାରୁ): ଶୋଚନୀୟ ହୋଇପଡିଛି ପାପଡାହାଣ୍ଡି ବ୍ଲକ ପଣ୍ଡିକୋଟ ପଞ୍ଚାୟତ ବାଙ୍କସର୍ଗି ଅଙ୍ଗନବାଡି । ଛାତରୁ ଲୁହାଛଡଗୁଡିକ ଦେଖାଯାଉଥିବାବେଳେ ରୋଷେଇ ଘର ଭାଙ୍ଗିରୁଜି ଯାଇଛି । କେନ୍ଦ୍ରଟି ବିପଦସଙ୍କୁଳ ଅବସ୍ଥାରେ ଥିବାରୁ ଅଭିଭାବକ ସେମାନଙ୍କ ପିଲାଙ୍କୁ ଛାଡିବାକୁ ପସନ୍ଦ କରୁନାହାନ୍ତି । କେତେବେଳେ ଏହା ଭୁଶୁଡି ପଡିବା ଆଶଙ୍କା ରହିଛି ।
ଗାଁ ଲୋକେ କହିଛନ୍ତି, କେନ୍ଦ୍ରର ଗୃହ ଭଲ ନଥିବାରୁ ଅଧିକାଂଶ ଦିନ ପିଲାଙ୍କୁ ବାହାରେ ପଢାଯାଉଛି । କେଉଁ ଦିନ କାହାର ଘର ବାରଣ୍ଡା ତ ଆଉ କେତେବେଳେ ଗଛମୂଳେ ଶିଶୁମାନେ ପଢୁଛନ୍ତି । ପ୍ରଶାସନ ଓ ସରପଞ୍ଚଙ୍କୁ ସମସ୍ୟା ସମ୍ପର୍କରେ ବାରମ୍ବାର ଅବଗତ କରାଯାଇଛି । କିନ୍ତୁ ଆଜିଯାଏ କିଛି ସୁଫଳ ମିଳିନି । କୌଣସି ପଦକ୍ଷେପ ବି ନିଆଯାଉନି । ଛାତରୁ ସିମେଣ୍ଟ ଛାଡି ଲୁହାଛଡ ସବୁ ଦେଖାଯାଉଛି । ରୋଷେଇ ଘର ବି ଭାଙ୍ଗିରୁଜି ଯାଇଛି । ଶୌଚାଳୟ କଥା ନକହିବା ଭଲ । ଦୀର୍ଘ ଦିନରୁ ଏହି ଅବସ୍ଥା ଲାଗି ରହିଥିବା ପରିତାପର ବିଷୟ ହୋଇଛି । ଶିଶୁଙ୍କ ପାଇଁ ସରକାର ନାନା ଯୋଜନା କରୁଥିବା କହୁଛନ୍ତି । ହେଲେ ବାସ୍ତବ ଦୃଶ୍ୟ କେହି ଦେଖିପାରୁନାହାନ୍ତି । ପଞ୍ଚାୟତ ସମିତି ପାପଡାହାଣ୍ଡିରୁ ମାତ୍ର ୬କିମି ଦୂରରେ ରହିଛି । ଦୀପତଳ ଅନ୍ଧାର ଭଳି ଏଠିକାର ଅଙ୍ଗନବାଡି ଅବସ୍ଥା ହୋଇଛି । ଏପରିସ୍ଥଳେ, ତୁରନ୍ତ ନୂତନ ଅଙ୍ଗନବାଡି କରିବାକୁ ଲୋକେ ପ୍ରଶାସନ ନିକଟରେ ୱାର୍ଡସଭ୍ୟା ମନି ସଗରିଅ