ଥାଳି ବଜାଇ ଲୋକଙ୍କୁ ସଚେତନ କରୁଛନ୍ତି ମହିଳା

ନୂଆପଡ଼ା : କରୋନା ମୁକାବିଲା ପାଇଁ ସମଗ୍ର ଦେଶକୁ ଲକ୍‌ଡାଉନ୍‌ କରି ଦିଆଯାଇଛି। ଲୋକମାନଙ୍କୁ ଘରୁ ନ ବାହାରିବା ପାଇଁ ସରକାର ସଚେତନ କରୁଛନ୍ତି। ହେଲେ ନୂଆପଡ଼ା ଜିଲ୍ଲା କୋମନା ଥାନା ଅନ୍ତର୍ଗତ ପାଇକପଡା ଗାଁର ମହିଳାମାନେ ଲୋକମାନଙ୍କୁ ଅଭିନବ ଉପାୟରେ ସଚେତନ କରୁଛନ୍ତି।ମହିଳାମାନେ ଗାଁ ଗାଁ ବୁଲି ଥାଳି ବଜାଇ ଲୋକଙ୍କୁ ଘର ନ ବାହାରିବା ପାଇଁ କହୁଛନ୍ତି। ମହିଳାମାନେ ଦିନକୁ ଦୁଇରୁ ତିନି ଥର ଥାଳି ବଜାଇ ଲକ୍‌ଡାଉନ୍‌ ସମୟରେ ଲୋକଙ୍କୁ ଘରୁ ନ ବାହାରିବାକୁ ଅନୁରୋଧ କରୁଛନ୍ତି। ଏହାସହ ଗାଁର କୌଣସି ବ୍ୟକ୍ତି ଯେମିତି ବାହାରକୁ ନ ଯିବେ, ଆଉ ବାହାର ଲୋକ ଗାଁକୁ ନ ଆସିବେ, ସେଥିପାଇଁ ମଧ୍ୟ ଲୋକଙ୍କୁ ସଚେତନ କରୁଛନ୍ତି। ଗାଁକୁ ଆସୁଥିବା ସମସ୍ତ ଲୋକ ସାବୁନରେ ହାତ ଧୋଇ ଭିତରକୁ ଆସିବାକୁ ପରାମର୍ଶ ମଧ୍ୟ ଦେଉଛନ୍ତି।