ପଥର ଓ ବାଲି ଚୋରା ଚାଲାଣ ଉପରେ ପୋଲିସର ଚଢ଼ଉ:୨୧ ଗିରଫ

ପୁରୀ : ବାଲି ଚୋରା ଚାଲାଣ ଉପରେ ପୁରୀ ପୋଲିସର କଡା ନଜର। ଗତ ୨ଦିନ ହେଲା ବିଭିନ୍ନ ସ୍ଥାନରେ ଚଢାଉ କରି ଅନେକ ଟ୍ରକ ଜବତ ସହ ୨୧ଜଣଙ୍କୁ ଗିରଫ କରିଛି ।
ଖବର ଅନୁଯାୟୀ, ଶନିବାର ଦିନ ବାଲି ଚୋରା ଚାଲାଣ ଅଭିଯୋଗ ରେ ୭ ଜଣଙ୍କୁ ଗିରଫ କରିଛି ପୋଲିସ। ଗାଡିକୁ ଜବତ କରାଯାଇ ଥିବା ବେଳେ ଗାଡି ଡ୍ରାଇଭର , ହେଲ୍ପର ଓ ମାଲିକକୁ ଗିରଫ କରାଯାଇଛି। ସେହିପରି କୁମ୍ଭାର ପଡାଥାନା ପୋଲିସ ବାଲି ଚୋରା ଚାଲାଣ ଅଭିଯୋଗର ଏକ ମାମଲାରେ ଟିପର ଜବତ ସହ ଏହାର ମାଲିକ , ଦୁଇ ଡ୍ରାଇଭର ଓ ଜଣେ ହେଲ୍‌ପରକୁ ଗିରଫ କରି କୋର୍ଟ ଚାଲାଣ କରାଯାଇଛି।
ଅନ୍ୟପଟେ ପୁରୀ ସି ବିଚ ଥାନା ଅନ୍ତର୍ଗତ ସମୁଦ୍ର କୁଳ ରୁ ବାଲି ଚୋରା ଚାଲାଣ ଅଭିଯୋଗରେ ଏକ ଟ୍ରକ ଜବତ ସହ ଜଣେ ଡ୍ରାଇଭର ଓ ଗାଡି ମାଲିକକୁ ଗିରଫ କରାଯାଇଛି। ଗତ ଦୁଇ ଦିନ ହେବ ପୁରୀ ପୋଲିସ ପକ୍ଷରୁ ଜିଲ୍ଲାର ବିଭିନ୍ନ ସ୍ଥାନରେ ଚଢ଼ାଉ କରାଯାଇ ଚୋରା ବାଲି ଏବଂ ପଥର ଚାଲାଣ ଅଭିଯୋଗରେ ୨୧ ଜଣଙ୍କୁ ଗିରଫ କରାଯାଇଛି। ଚୋରା ବାଲି ଚାଲାଣ ଓ ପଥର ଚାଲାଣ ନେଇ ପୁରୀ ପୋଲିସ ସ୍ୱତନ୍ତ୍ର ନଜର ରଖିଛି। ଏଭଳି ବେଆଇନ କାର୍ୟ୍ୟ ହେଲେ ସଂଗେ ସଂଗେ କାର୍ୟ୍ୟାନୁଷ୍ଠାନ ନିଆଯିବ ବୋଲି ପୁରୀ ଏସପି ଅଖିଳେଶ୍ୱର ସିଂ ସୂଚନା ଦେଇଛନ୍ତି।