ଦିବ୍ୟାଙ୍ଗ ଯୁବତୀଙ୍କୁ ଦୁଷ୍କର୍ମ: ପୀଡିତା ୮ ମାସର ଗର୍ଭବତୀ

ତେଲକୋଇ: ପୁଣି ସାମ୍ନାକୁ ଆସିଲା ଲଜ୍ଜାଜନକ ଘଟଣା। ଜଣେ ଦିବ୍ୟାଙ୍ଗ ଯୁବତୀଙ୍କୁ ଦୁଷ୍କର୍ମ କରିଥିଲେ ଜଣେ ବିବାହିତ ପୁରୁଷ। ପୀଡିତା ବର୍ତ୍ତମାନ ୮ ମାସର ଗର୍ଭବତୀ। ଏ ନେଇ ଥାନାରେ ଅଭିଯୋଗ ମଧ୍ୟ କରାଯାଇଛି। ତେଲକୋଇ ଥାନା ଅନ୍ତର୍ଗତ ଜଟ ଗାଁରେ ଏଭଳି ଅଭାବନୀୟ ଘଟଣା ଘଟିଛି। ବାପ-ଝିଅ ୨ ଜଣ ଦିବ୍ୟାଙ୍ଗ। ତାଙ୍କ ବାପା ଯାହା ଭିକ୍ଷା କରି ଆଣନ୍ତି, ସେଥିରେ ବାପ-ଝିଅ ୨ ପ୍ରାଣୀ ଚଳନ୍ତି।
ସୂଚନା ମୁତାବକ ଗତ ଦୋଳଯାତ୍ରା ଦିନ ଯୁବତୀଙ୍କ ସରଳତାର ସୁଯୋଗ ନେଇ ଘରେ କେହି ନଥିବା ବେଳେ ସମୟରେ ଜଟ ଗାଁ ବାଲିସାହିର ଯୁବକ ରତ୍ନାକର ମୁଣ୍ଡା ଘରକୁ ଆସି ବଳପୂର୍ବକ ତାଙ୍କୁ ଦୁଷ୍କର୍ମ କରିଥିଲେ । ଏକଥାକୁ ପୀଡିତା ଲୋକ ଲଜ୍ୟା ଭୟରେ କାହାକୁ କହି ନଥିଲେ । ତେବେ ପୀଡିତା ଗର୍ଭବତୀ ହେବା ପରେ କଥା ସାମ୍ନାକୁ ଆସିଥିଲା। ଏହା ପରେ ସ୍ଥାନୀୟ ଲୋକେ ରତ୍ନାକର ମୁଣ୍ଡା ବିରୋଧରେ ଥାନାରେ ଅଭିଯୋଗ କରିଥିଲେ। ମିଳିଥିବା ସୂଚନା ଅନୁସାରେ ଅଭିଯୁକ୍ତ ଯୁବକ ବର୍ତ୍ତମାନ ଫେରାର ଅଛି।