ଗ୍ରାମରେ ପକ୍କା ରାସ୍ତା ନିର୍ମାଣ ପାଇଁ ଜିଲ୍ଲାପାଳଙ୍କ ଦ୍ୱାରସ୍ଥ

{ ଗଜପତିରୁ ରେଣୁବାଳା ବେହେରାଙ୍କ ରିପୋର୍ଟ } : ଗଜପତି ଜିଲ୍ଲାର ରାୟଗଡ ବ୍ଲକ ଜଲାଙ୍ଗ ପଞ୍ଚାୟତ ଅନ୍ତର୍ଗତ ଡୁମ୍ବା ଗାଁ । ଗାଁ କୁ ଯୋଗାଯୋଗ କରିବା ପାଇଁ କୁଟରୁପଡା ନାଳ ଉପରେ ଏକ ଅସ୍ଥାୟୀ କାଠ ପୋଲ ରହିଛି ତାହା ଉପରେ ଦେଇ ଗ୍ରାମବାସୀଙ୍କୁ ଯିବାକୁ ପଡୁଛି।ସ୍ଥାୟୀ ପୋଲ ଟିଏ ନ ଥିବାରୁ ଗ୍ରାମବାସୀ ନାହିଁ ନ ଥିବାର ସମ୍ମୁଖୀନ ହେଉଛନ୍ତି।ଖର ସ୍ରୋତା ନାଳ ଉପରେ ଜୀବନ କୁ ବାଜି ଲଗାଇ ଯାତାୟାତ କରିବା ପାଇଁ କାଠ ପୋଲ ହିଁ ଏକମାତ୍ର ସାହା ଭରସା ସାଜିଛି।ଉଭୟ ପଟ ଥିବା ଗଛ ଶାଖା କୁ ସଂଯୋଗ କରି ଏକ ଅସ୍ଥାୟୀ କାଠ ପୋଲ ନିର୍ମାଣ କରି ଗ୍ରାମବାସୀ ଯାତାୟାତ କରିଥାନ୍ତି।କାଠ ପୋଲର ଦୁଇ ପାର୍ଶ୍ଵରେ ଥିବା ତାର କୁ ଧରି ଯାତାୟାତ କରିବାକୁ ପଡେ।ଏହି ପୋଲ ଦେଇ ଗ୍ରାମବାସୀ ନିଜର ଶିକ୍ଷା ସ୍ୱାସ୍ଥ୍ୟ ଗମନାଗମନ କରିବା ପାଇଁ ବହୁ ଅସୁବିଧା ର ସମ୍ମୁଖୀନ ହେଉଛନ୍ତି। ଏଣୁ ସରକାରୀ ଯୋଜନାରେ ଏକ ସ୍ଥାୟୀ ପୋଲ ନିର୍ମାଣ କଲେ ଗ୍ରାମବାସୀ ଉପକୃତ ହୋଇପାରିବେ।ଏଥିପ୍ରତି ଜିଲ୍ଲା ପ୍ରଶାସନ କିମ୍ବା ରାଜ୍ୟ ସରକାରଙ୍କ ଶୁଭ ଦୃଷ୍ଟି ପଡିଲେ ଗ୍ରାମବାସୀ ଉପକୃତ ହୋଇପାରିବେ ବୋଲି ଗ୍ରାମବାସୀ କହିଛନ୍ତି।