ରେଳ ଧାରଣାକୁ ଶୌଚ ହେବା ପାଇଁ ଯାଇଥିଲେ ହଠାତ୍ ଆସିଗଲା ଟ୍ରେନ !

{ ବଲାଙ୍ଗୀରରୁ ଅଞ୍ଜୁୁ ପୃଷ୍ଟିଙ୍କ ରିପୋର୍ଟ } : ବଲାଙ୍ଗିର – ସୋନପୁର ନୂତନ ରେଳପଥ ସ୍ଥିତ ମହାକୁର ପାଲି ଗ୍ରାମ ନିକଟରେ ରେଳ ଧାରଣା ରୁ ଜଣେ ବୃଦ୍ଧଙ୍କ ମୃତଦେହ ଉଦ୍ଧାର ହୋଇଛି । ମୃତ ବ୍ୟକ୍ତି ଜଣକ ଗଇଁତଲା ଗ୍ରାମର ରାଜପତୀ ବାରିକ ବୟସ ୬୦ ବୋଲି ଜଣାପଡିଛି । ମିଳିଥିବା ସୂଚନା ଅନୁସାରେ ରାଜପତି ଆଜି ସକାଳେ ରେଳ ଧାରଣା ପଟକୁ ଶୌଚ ହେବାକୁ ଆସିଥିଲେ । ଏହି ସମୟରେ ଟ୍ରେନ ଟି ଆସି ତାଙ୍କୁ ଧକ୍କା ଦେଇଥିଲା । ଫଳରେ ରାଜପତୀ ଙ୍କ ଶରୀର ଖଣ୍ଡ ବିଖାଣ୍ଡିତ ହୋଇ ସେ ପଡ଼ିଥିଲେ । ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ଖବର ପାଇ ପରିବାର ପରିଜନ ଲୋକେ ଘଟଣା ସ୍ଥଳରେ ପହଞ୍ଚିଥିଲେ । ଏବଂ ପୁଁଇତଲା ପୋଲିସ ଓ ରେଲିଓ ପୋଲିସ କୁ ଖବର ଦେଇଥିଲେ । ଖବର ପାଇ ପୁଇନ୍ତଲା ପୋଲିସ ଏବଂ ଜି ଆର ପି ପୋଲିସ ଘଟଣା ସ୍ଥଳରେ ପହଞ୍ଚି ଶବକୁ ଉଦ୍ଧାର କରିବା ସହିତ ବ୍ୟବଚ୍ଛେଦ ପାଇଁ ପଠାଇଥିଲେ । ରାଜପତୀ ବାରିକ ଜଣେ ଅବସରପ୍ରାପ୍ତ ସରକାରୀ କର୍ମଚାରୀ ଥିଲେ । ତାଙ୍କର ମୃତ୍ୟୁ ରେ ସାରା ପରିବାର ବର୍ଗରେ ଏବେ ସୋକୋକଳା ଛାୟା ଖେଳିଯାଇଛି