ଭୁବନେଶ୍ୱର : ୭୪ତମ ରାଜ୍ୟସ୍ତରୀୟ ସାଧାରଣତନ୍ତ୍ର ଦିବସରେ ମାନ୍ୟବର ରାଜ୍ଯପାଳ ମୁଖ୍ଯ ଅତିଥି ଭାବରେ ଯୋଗଦେଇ ପତାକା ଉତ୍ତୋଳନ କରିବେ ଓ ମାନ୍ୟବର ମୁଖ୍ୟମନ୍ତ୍ରୀ ଉପସ୍ଥିତ ରହିବେ। ସାଧାରଣତନ୍ତ୍ର ଦିବସ-୨୦୨୩ ପାଳନ ସମ୍ବନ୍ଧୀତ ଏକ ପ୍ରସ୍ତୁତି ବୈଠକ ସୂଚନା ଓ ଲୋକସମ୍ପର୍କ ବିଭାଗର ପ୍ରମୁଖ ଶାସନ ସଚିବ ଶ୍ରୀ ସଞ୍ଜୟ କୁମାର ସିଂଙ୍କ ଅଧ୍ୟକ୍ଷତାରେ ଆଜି ଅନୁଷ୍ଠିତ ହୋଇଯାଇଛି।
![](https://biswabijayeenewsodisha.com/wp-content/uploads/2022/12/321916830_1196212074656426_2932315879996987869_n-1.jpg)
ଏହି ରାଷ୍ଟ୍ରୀୟ ସମାରୋହର ସମସ୍ତ କାର୍ଯ୍ୟ ସୂଚାରୁ ଭାବରେ ସମ୍ପାଦନ ନିମନ୍ତେ ଆଗୁଆ ପ୍ରସ୍ତୁତି କରିବାକୁ ଶ୍ରୀ ସିଂ ନିର୍ଦ୍ଦେଶ ଦେଇଥିଲେ।ବିଭାଗ ପକ୍ଷରୁ ସାଧାରଣତନ୍ତ୍ର ଦିବସରେ ପ୍ରଭାତରେ ରାମଧୁନ ପରିବେଷଣ, ଉତ୍ସବ ସ୍ଥଳର ସାଜସଜ୍ଜା ଓ ଆନୁଷଙ୍ଗିକ ବ୍ଯବସ୍ଥା ତଥା ବୈଦୁତିକ ଓ ସାମାଜିକ ଗଣମାଧ୍ୟମରେ ସିଧାପ୍ରସାରଣ ବ୍ଯବସ୍ଥା କରାଯିବ। ପୂର୍ବ ବର୍ଷ ଭଳି ନୂଆଦିଲ୍ଲୀ, କୋଲକାତା, ମୁମ୍ବାଇ ଓ ଚେନ୍ନାଇରେ ବିଭାଗ ପକ୍ଷରୁ ସାଧାରଣତନ୍ତ୍ର ଦିବସ ପାଳନ କରାଯିବ। ବୈଠକରେ ନିର୍ଦ୍ଦେଶକ ଇନ୍ଦ୍ରମଣି ତ୍ରିପାଠୀଙ୍କ ସମେତ ବିଭାଗୀୟ ଅଧିକାରୀମାନେ ଉପସ୍ଥିତ ଥିଲେ।
Comments are closed, but trackbacks and pingbacks are open.