ଆନନ୍ଦମୟ ପ୍ରେମ୍ ଆନନ୍ଦ

୨୦୨୦ କରୋନା ବର୍ଷ ସମସ୍ତଙ୍କ ଭଳି ପ୍ରେମ୍ ଆନନ୍ଦଙ୍କ ପାଇଁ କଠିନ ନିଶ୍ଚୟ ଥିଲା ହେଲେ ସେ କଠିନତା ଭିତରେ ଆନନ୍ଦ ବି ଥିଲା । ଅନ୍ୟମାନଙ୍କ ପରି ସେ ବି କରୋନାରୁ ବାହାରିବାକୁ ବାଟ ଖୋଜିଥିଲେ । କରୋନା କାଳରେ ସଚେତନତା ସହ କିଛି ଲୋକଙ୍କୁ ସହାୟତାର ହାତ ବଢ଼ାଇବା ସହ ‘ପୁଣି ହସିବ ଓଡ଼ିଶା’ ସଙ୍ଗୀତ କରି ବେଶ୍ ଚର୍ଚ୍ଚା ସାଉଁଟିଥିଲି । କରୋନା କାଳରେ ଗୀତଟି ବହୁତ ଭାଇରାଲ୍ ହେବା ସହ ଟିକ୍ଟକ୍ ହୋଇଥିଲା । ଅଭିନେତ୍ରୀ ମହାଶ୍ୱେତା ଏହାକୁ ନେଇ ଯେଉଁ ଭିଡିଓ ନିଜ ୟୁଟୁ୍ୟବ୍ରେ ରିଲିଜ୍ କରିଥିଲେ, ସେଥିରେ ନଜର ଆସିଥିଲେ ହେମାମାଳିନୀ । ଏହାବାଦ୍ ଦୀର୍ଘ ୧୫-୨୦ ବର୍ଷ ପରେ ଗୀତ ପଟ୍ଟନାୟକଙ୍କ ସହିତ ମୁ୍ୟଜିକ୍ ସିଟିଂରେ ବସି ସଙ୍ଗୀତ ପ୍ରସ୍ତୁତ କରିଥିଲେ । ପ୍ରେମ୍ ଆନନ୍ଦଙ୍କ ପାଇଁ ଆଉ ଏକ ଖୁସି ଖବର ଥିଲା ୱିଙ୍କ୍ ମୁ୍ୟଜିକ୍ରେ ତାଙ୍କ ସଂଯୋଜିତ ୫୩ ହିଟ୍ ଗୀତ ଓଡ଼ିଆ ବିଭାଗରେ ‘ଗ୍ରେଟେଷ୍ଟ ହିଟ୍ସ ଅଫ୍ ପ୍ରେମ୍ ଆନନ୍ଦ’ରେ ସାମିଲ ହୋଇ ରେକର୍ଡ କରିଥିଲେ । ପରେ ସେ ଆଦିବାସୀ ସମ୍ପ୍ରଦାୟକୁ ନେଇ ସେ ‘ଏଠି ପବନ ଗାଏ ଗୀତ’ କରିଥିଲେ । ଯାହାକୁ ହଲିଉଡ୍ର ପ୍ରଯୋଜକ ତଥା ଅଭିନେତା ରିକ୍ ସେଗାଲ ଏବଂ ଅଭିନେତା ଓ କଣ୍ଠଶିଳ୍ପୀ କାର୍ବନ ମାଇଲ୍ସ ନିଜ ୟୁଟୁ୍ୟବ୍ରେ ପୋଷ୍ଟ କରି ପ୍ରଶଂସାରେ ପୋତି ପକାଇଥିଲେ । ଏଥିସହ ସୋସିଆଲ୍ ମିଡିଆରେ ଗୀତ ଗାଇ ଚର୍ଚ୍ଚାକୁ ଆସିଥିବା ବନ୍ଧୁଗାଁ ବ୍ଲକ୍ ଚିନ୍ତାଗୁଡ଼ାର ଗାଁର ଆଦିବାସୀ ଝିଅ ନମିତା ମେଲେକାଙ୍କୁ ନେଇ ଓଡ଼ିଆ ଓ କୁଇ ଭାଷାରେ ପ୍ରସ୍ତୁତ କରିଥିଲେ ଓଡ଼ିଆ ଭଜନ ‘ନିନୁନା ଜୀଉଁଛି ଜୀବନ’ । ଏ ଘଟଣାର ୨ମାସ ପରେ ୟୁଟୁ୍ୟବ୍ ସେନ୍ସେସନ୍ ତଥା ଖପର ଘରର ରାପର୍ ଭାବେ ପରିଚିତ କଳାହାଣ୍ଡିର ଦୁଲେଶ୍ୱର ତାଣ୍ଡି ଓରଫ୍ ଦୁଲେ ରାପର୍ଙ୍କୁ ନେଇ ଓଡ଼ିଆ ଚଳଚ୍ଚିତ୍ରର ଲାଗି ‘ଜିଓ ବାଲା ଆଣ୍ଟି’ ଗୀତ ରେକର୍ଡିଂ କରିଥିଲେ । ଏହିଭଳି ଗତବର୍ଷ ପ୍ରେମ୍ ଆନନ୍ଦଙ୍କ ଯାତ୍ରା ବେଶ୍ ଆନନ୍ଦମୟ ଓ ସ୍ମୃତିଭରା ଥିଲା । ଆଉ ଏ ବର୍ଷ ଆରମ୍ଭରୁ କିଛି କମ୍ ଚର୍ଚ୍ଚାରେ ନାହାନ୍ତି ପ୍ରେମ୍ ଆନନ୍ଦ । ନୂଆବର୍ଷକୁ ସ୍ୱାଗତ କରି ବଣଭୋଜି ଅବସରରେ ନଦୀ ପଠାରେ, ଖୋଲା ଆକାଶ ତଳେ କଲେ ଗୀତ ସଂଯୋଜନା ‘ଏ ମାଟି ଓଡ଼ିଶା, ଏ ଜାତି ଓଡ଼ିଆ’ । ସେଇଠି ବିଶିଷ୍ଟ ଗୀତିକାର ବସନ୍ତରାଜ ସାମଲ ଏହାକୁ ଲେଖିଲେ ଆଉ ସେ ତାକୁ ସ୍ୱର ଦେଇ ଓଡ଼ିଶାର ୧୫ଜଣ କଣ୍ଠଶିଳ୍ପୀଙ୍କୁ ନେଇ ଗାଇଲେ । ଗୀତଟି ଉକ୍ରଳ ଦିବସରେ ରାଜ୍ୟଭବନରେ ରିଲିଜ୍ ହୋଇଛି । ବଡ଼ କଥା ଏଥିରେ ରାଜ୍ୟପାଳ ଗାଇଛନ୍ତି ଆଉ ମୁଖ୍ୟମନ୍ତ୍ରୀ ଭଏସ୍ ଦେଇଛନ୍ତି । ବହୁ ବଡ଼ ବଡ଼ ତାରକାଙ୍କୁ ଭିଡିଓରେ ଦେଖିବାକୁ ମିଳିଛି । ଏହାର ନିଦେ୍ର୍ଧଶନା ଦେଇଛନ୍ତି ଜୟା ବିଶ୍ୱାସ । ଏହା ପୂର୍ବରୁ ପ୍ରେମ୍ ଆନନ୍ଦ ଅଭିନେତ୍ରୀ ବର୍ଷାଙ୍କ ସହ ମିଶି ଓଡ଼ିଶାର ଆଉ ଜଣେ ସାଲବେଗ ଭାବେ ପରିଚିତ କଟକ ପ୍ରହରାଜପୁରର ଦୃଷ୍ଟିହୀନ କଣ୍ଠଶିଳ୍ପୀ ଅବଦୁଲ୍ ସମାଦ୍ ନିଜାମି(ସାମ୍ ସାର୍)ଙ୍କୁ ନେଇ ଭଜନ ରେକର୍ଡିଂ କରିଥିଲେ । ପ୍ରଥମ ଥର ତାଙ୍କୁ ଷ୍ଟୁଡିଓରେ ଗାଇବାର ସୁଯୋଗ ଦେଇଥିଲେ । ଏହିଭଳି ଭାବେ ଆନନ୍ଦ ବାଣ୍ଟି, ସଫଳତା ସାଉଁଟି ଚାଲିଛନ୍ତି ଆନନ୍ଦମୟ ପ୍ରେମ୍ ଆନନ୍ଦ ।