‘ନମସ୍ତେ ଲଫନ’ ପରେ ‘ସୂର୍ଯ୍ୟବଂଶୀ’

ଅଲି ଅବାସ୍ ଜଫରଙ୍କ ନିର୍ଦ୍ଦେଶିତ ‘ଭାରତ’ରେ ସିନେପ୍ରେମୀଙ୍କ ମନ କିଣିବା ପରେ ରୋହିତ ଶେଟ୍ଟୀଙ୍କ ଅପ୍କମିଙ୍ଗ ଫିଲ୍ମ ‘ସୂର୍ଯ୍ୟବଂଶୀ’ରେ ସ୍କ୍ରିନ୍ ଶେୟାର କରିବେ କ୍ୟାଟ୍ରିନା କୈଫ୍ । ଫିଲ୍ମରେ ତାଙ୍କ ସହ ମୁଖ୍ୟ ଭୂମିକାରେ ଅଛନ୍ତି ଅକ୍ଷୟ କୁମାର । ଫିଲ୍ମ ‘ନମସ୍ତେ ଲଣ୍ଡନ’ ପରେ ଅକ୍ଷୟଙ୍କ ସହ ସ୍କ୍ରିନ୍ ଶେୟାର କରିବାକୁ ଯାଉଥିବାରୁ କ୍ୟାଟ୍ରିନା ବହୁତ ଖୁସି । ତେବେ ଦୀର୍ଘ ଦିନର ବ୍ୟବଧାନ ପରେ ଭଉୟଙ୍କ ମଧ୍ୟରେ କେମିଷ୍ଟ୍ରି ଆଦୌ ବଦଳିନି । ଅକ୍ଷୟଙ୍କ ସହ କାମ କରିବା ଅର୍ଥ ଘରକୁ ଫେରିବା ସହ ସମାନ ବୋଲି କ୍ୟାଟ୍ରିନା କହିଛନ୍ତି । ଅକ୍ଷୟ ଜଣେ ଚମକ୍ରାର ଅଭିନେତା । କାମ ପ୍ରତି ସେ ସମ୍ପୂଣ୍ଣ ର୍ ସମର୍ପିତ । କାମ ପ୍ରତି ତାଙ୍କ ଭଲପାଇବା ଯେ କେହି ଜାଣିପାରିବ କହି ଅକ୍ଷୟଙ୍କୁ ପ୍ରଶଂସାରେ ପୋତି ଦେଇଛନ୍ତି କ୍ୟାଟ୍ରିନା । ‘ସୂର୍ଯ୍ୟବଂଶୀ’ ଜରିଆରେ ସେ ପ୍ରଥମ ଥର ରୋହିତ ଶେଟ୍ଟୀଙ୍କ ସହ କାମ କରିବାକୁ ଯାଉଛନ୍ତି । ତେଣୁ ତାଙ୍କୁ ମଧ୍ୟ ଖୁବ୍ ପ୍ରଶଂସା କରିଛନ୍ତି । ଆସନ୍ତା ମାର୍ଚ୍ଚ ୨୭ରେ ଫିଲ୍ମଟି ମୁକ୍ତିଲାଭ କରିବ । ‘ସୂର୍ଯ୍ୟବଂଶୀ’କୁ ସେ ଏକ ଚ୍ୟାଲେଞ୍ଜିଂ ଫିଲ୍ମ କହନ୍ତି । ଫିଲ୍ମ କ୍ୟାରିଅର୍ରେ ବିଭିନ୍ନ ପ୍ରକାର ଚ୍ୟାଲେଞ୍ଜ ଗ୍ରହଣ କରିବାକୁ ପ୍ରସ୍ତୁତ ଥିବା ଏକ ସାକ୍ଷାତକାରରେ ସେ ସ୍ପଷ୍ଟ କରିଛନ୍ତି । ଆଜିକାଲି ସୋସିଆଲ୍ ମିଡିଆରେ ଯେଉଁ ଟ୍ରୋଲ୍ ହେଉଛି, ଏସବୁକୁ ସେ ଆଦୌ ଖାତିର କରନ୍ତି ନାହିଁ । ନିଜେ ବଞ୍ଚିବା ଓ ଅନ୍ୟକୁ ବଞ୍ଚିବାକୁ ଦେବାରେ କ୍ୟାଟ୍ରିନା ବିଶ୍ୱାସ କରନ୍ତି ।