ଫାଶ ବାହାରିନଥିଲା, ଶ୍ୱାସରୁଦ୍ଧରୁ ପ୍ରାଣଗଲା

ଫାଶ ବାହାରିନଥଭଞ୍ଜନଗର,(ବି.ବି.ନୁ୍ୟଜ): ଗତ ଗୁରୁବାର ବୁଗୁଡା ରେଞ୍ଜ ଅନ୍ତର୍ଗତ ମାଣିତରା ବଡ଼ପଥର ପାହାଡ଼ ବାର୍ହା ଫାଶରେ ଏକ କଲରାପତରିଆ ବାଘ ପଡ଼ିଥିଲା । ୪ ଘଣ୍ଟାର ଅପରେସନ୍ ପରେ ଉଦ୍ଧାର କରାଯାଇଥିଲା । ହେଲେ ସନ୍ଧ୍ୟାରେ ତାର ମୃତୁ୍ୟ ହୋଇଥିଲା । ବାଘର ମୃତୁ୍ୟ ପରେ ଏହାକୁ ନେଇ ଖୋଳତାଡ଼ ଆରମ୍ଭ ହୋଇଛି । କେଉଁ ପରିସ୍ଥିତିରେ ମୃତୁ୍ୟ ଘଟିଲା ତାକୁ ନେଇ ଚର୍ଚ୍ଚା ଜୋର ଧରିଛି । ଶବ ବ୍ୟବଚ୍ଛେଦ ରିପୋର୍ଟ ଅନୁସାରେ ବାଘ ଭୋକିଲା ଥିଲା । ୨୮ ଘଣ୍ଟା ଧରି ବାଘ ବେକ ଫାଶରେ ଚାପି ହୋଇ ରହିଥିବା କାରଣରୁ ଶ୍ୱାସରୁଦ୍ଧ ହୋଇ ତାର ମୃତୁ୍ୟ ଘଟିଲା ବୋଲି ଶବ ବ୍ୟବଚ୍ଛେଦ କରିଥିବା ବୁଗୁଡା ବିଭିଓ ଓ ୱାଲ୍ଡ ଲାଇଫ୍ ୱାଡନ୍ ସୂଚନା ଦେଇଛନ୍ତି । ଅପରପକ୍ଷରେ କଲରାପତରିଆକୁ ପୁଣିଥରେ ଜଙ୍ଗଲକୁ ଛାଡ଼ିି ନେବା ପୂର୍ବରୁ ତା ଦେହରେ ଲାଗିଥିବା ଫାଶକୁ ବାହାର କରିବାକୁ କେହି ସାହସ କରିପାରିନଥିଲେ । ତାଦେହରେ ଲାଗିଥିବା ଫାଶ ନବାହାରିବା କାରଣରୁ କଲରାପତରିଆଟି ଅଣନିଶ୍ୱାସୀ ହୋଇ ଆଖିବୁଜିଥିବା ରିପୋର୍ଟରୁ ଜଣାପଡିଛି ।
ପଥର ପାହାଡ଼ରେ ବାର୍ହା ଫାଶରେ ଗତକାଲି ଏକ କଲରାପତରିଆ ପଡ଼ିଥିଲା । ଘଟଣା ଜଣାପଡ଼ିବା ପରେ ୪ ଘଣ୍ଟା ପରିଶ୍ରମ କରି ବନ ବିଭାଗ ବାଘଟିକୁ ଉଦ୍ଧାର କରିଥିଲା । କଲରାପତରିଆଟି ଦୀର୍ଘ ୧୨/୧୪ ଘଣ୍ଟା ବାର୍ହା ଫାଶରେ ଲାଗିବାପରେ ସେ ସେଥିରୁ ମୁକୁଳିବାକୁ ଚେଷ୍ଟା କରିଛି । ଫଳରେ ଅଧିକ ଟାଣି ହେବାଦ୍ୱାରା ଗାଡ଼ି କ୍ଲଚ୍ ୱେୟାରରେ ପ୍ରସ୍ତୁତ ଫାଶରେ ବାଘ ଅଣନିଶ୍ୱାସୀ ହୋଇଯାଇଛି । ଦୀର୍ଘ ସମୟ ପରେ ବାଘଟକୁ ବନ ବିଭାଗ କର୍ମଚାରୀ ଜାଲ ପକାଇ ଧରିଥିଲେ । ଉଦ୍ଧାର କରି ବୁଗୁଡା ରେଞ୍ଜ ଅଫିସକୁ ଅଣାଯାଇଥିଲା । କଲରାପତରିଆ ବେକ, ଦେହରୁ ଫାଶ ବାହାର କରିବାକୁ କେହି ସାହାସ କରିପାରିନଥିଲେ । ସେଭଳି ଅବସ୍ଥାରେ ହିଁ ତାକୁ ବୁଗୁଡ଼ା ନିକଟସ୍ଥ କିରିଆମ୍ବା ଜଙ୍ଗଲରେ ଛାଡିବାକୁ ନିଆଯାଇଥିଲା । ବାଘକୁ ଆଖପାଖ ଜଙ୍ଗଲରେ ନଛାଡିବା ଦାବିରେ ବିଭିନ୍ନ ସ୍ଥାନରେ ପ୍ରତିବାଦର ସ୍ୱର ଉଠିଥିଲା । ଶହ ଶହ ଲୋକ ରାସ୍ତା ଅବରୋଧ କରି କିରିଆମ୍ବା ଜଙ୍ଗଲରେ ବାଘକୁ ନଛାଡିବାକୁ ପ୍ରତିବାଦ କରିଥିଲେ । ଏଠାରେ ପାଖାପାଖି ୨ଘଣ୍ଟା କଲରାପତରିଆଟି ଜାଲ ଓ ଫାଶର ଯନ୍ତ୍ରଣାରେ ଛଟପଟ ହେବାସହ ସେହି ସମୟରେ ହିଁ ତାର ମୃତୁ୍ୟ ଘଟିଥିବା ଅନୁମାନ କରାଯାଉଛି । ଲୋକଙ୍କୁ ବୁଝାସୁଝାପରେ ବାଘଟିକୁ କରିଆମ୍ବା ଜଙ୍ଗଲକୁ ନେଇ ସେଠାରେ ଜାଲରୁ ତାକୁ ଖୋଲିବା ସମୟରେ ବାଘଟି ସଂପୂର୍ଣ୍ଣ ନିସ୍ତେଜ ହୋଇଯାଇଥିଲା । ଘଟଣାସ୍ଥଳରେ ଉପସ୍ଥିତ ବିଭିଓ ଡାକ୍ତର ଦାଶ କଲରାପତରିଆକୁ ମୃତ ଘୋଷଣା କରିଥିଲେ । ପୁଣିଥରେ ଅନ୍ୟ ରାସ୍ତାରେ ମୃତ କଲରାପତରିଆକୁ ବୁଗୁଡା ରେଞ୍ଜ ହତାକୁ ଅଣାଯାଇ ରାତିରେ ସେଠାରେ ରଖାଯାଇଥିଲା । ଆଉ ଶୁକ୍ରବାର ସକାଳୁ କଲରାପତରିଆର ଶବ ବ୍ୟବଚ୍ଛେଦ କରାଯିବା ପରେ ସେଠାରେ ହିଁ ତାକୁ ପୋଡ଼ି ଦିଆଯାଇଛି ।
ଅପରପକ୍ଷରେ କଲରାପତରିଆ ଦେହରେ ଲାଗିଥିବା ଫାଶ ତାଦେହରୁ ବାହାର ନକରି ତାକୁ ପୁଣିଥରେ ଜଙ୍ଗଲରେ ଛାଡିବାକୁ କିପରି ନିଆଯାଉଥିଲା ଏନେଇ ସାଧାରଣରେ ପ୍ରଶ୍ନବାଚୀ ହୋଇଛି । ଜାଲ ଭିତରେ ରହିଥିବା କଲରାପତରିଆ ଦେହରୁ ଯଦିି ଫାଶକୁ ବାହାର କରାଯାଇଥାଆନ୍ତା ତେବେ ସେ ନିଶ୍ଚିତ ମୃତୁ୍ୟ ମୁଖରୁ ବଞ୍ଚି ଯାଇପାରିଥାନ୍ତା ବୋଲି ପରିବେଶବିତମାନେ ମତପ୍ରକାଶ କରିଛନ୍ତି । ଏହାର ତଦନ୍ତ କରାଯାଇ ଦୋଷୀଙ୍କ ବରୋଧରେ ଦୃଢ଼ କାର୍ଯ୍ୟାନୁÂାନ ଗ୍ରହଣ କରିବାକୁ ଦାବି ହୋଇଛି ।, ଶ୍ୱାସରୁଦ୍ଧରୁ ପ୍ରାଣଗଲା