ବିସ୍ଫୋରଣରେ ବାଣଦୋକାନ ଛାରଖାର

କୋଣାର୍କ: ବାଣ ଗୋଦାମରେ ଭୟାବହ ଅଗ୍ନିକାଣ୍ଡ ଘଟିଛି। ପୁରୀ ଜିଲ୍ଲା କୋଣାର୍କ ଚାରିଛକ ବ୍ରହ୍ମଗୁଣ୍ଡିରେ ଥିବା ବାଣ ଗୋଦାମରେ ନିଆଁ ଲାଗିଛି । ପ୍ରଚଣ୍ଡ ବିସ୍ଫୋରଣ ସହ ଜଳିଯାଇଛି ବାଣ ଗୋଦାମ। ଅଗ୍ନିକାଣ୍ଡ ଓ ବିସ୍ଫୋରଣରେ କେହି ମୃତାହତ ହୋଇନାହାନ୍ତି । ତେବେ ନିଆଁ ଏତେ ଜୋରରେ ଲାଗିଥିଲା ଯେ, ଆୟତ୍ତ କରିଥିଲେ ୫ଟି ଦମକଳ ବାହିନୀ । ବ୍ରହ୍ମକୁଣ୍ଡି ଗାଁ କେନାଲ ବନ୍ଧ ପାଖରେ ଥିବା ସେହି ଗାଁର ବାଇଧର ନାୟକଙ୍କ ବାଣ ଗୋଦାମରେ ଏହି ଅଗ୍ନିକାଣ୍ଡ ଘଟିଥିଲା। ବାଣୁଆ ମାନେ ବାଣ ଭିଡ଼ୁଥିବା ବେଳେ ହଠାତ୍ ଗୋଦାମରେ ବିସ୍ଫୋରଣ ଶବ୍ଦ ଶୁଣାଯାଇଥିଲା । ଏହାପରେ ଘଟଣାସ୍ଥଳରୁ ତାଙ୍କ ପରିବାର ଲୋକ ଓ କର୍ମଚାରୀ ଦୌଡ଼ି ପଳାଇଥିଲେ । ହେଲେ ଚାହୁଁ ଚାହୁଁ ୨ ଘଣ୍ଟା ଭିତରେ ବାଣ ଗୋଦାମ ଜଳି ପୋଡ଼ି ପାଉଁଶ ହୋଇଯାଇଥିଲା। ବିସ୍ଫୋରଣ ଶବ୍ଦ ଏପରି ଥିଲା ଯେ, ୫ କିଲୋମିଟର ପର୍ୟ୍ୟନ୍ତ ଶୁଣାଯାଇଥିଲା । ନିମାପଡ଼ା ଏସ୍‌ଡିପିଓ ଘଟଣାସ୍ଥଳରେ ପହଞ୍ଚି କେମିତି ନିଆଁ ଲାଗିଲା, ତଦନ୍ତ ଆରମ୍ଭ କରିଛନ୍ତି।

ରିପୋର୍ଟ ବିଶ୍ୱବିଜୟୀ