ସାମାନ୍ୟ କଥାକୁ ନେଇ ଶାଶୁକୁ ହତ୍ୟା କଲା ଜ୍ୱାଇଁ

ନବରଙ୍ଗପୁର (ଗଗନ ଗନ୍ତାୟତ ଙ୍କ ରିପୋର୍ଟ)ସାମାନ୍ୟ କଥାକୁ ନେଇ ଶାଶୁକୁ ଟାଙ୍ଗିଆରେ ହାଣି ହତ୍ୟା କରିଥିବା ଅଭିଯୋଗରେ ହତ୍ୟାକାରୀ ଜାଇଁ କମଳ ଜାନୀ ( ୩୫ ) କୁ ଆଜି ନବରଙ୍ଗପୁର ଜିଲ୍ଲା କୋଡିଙ୍ଗା ପୋଲିସ ଗିରଫ କରି କୋର୍ଟ ଚାଲାଣ କରିଥିବା ସୂଚନା ମିଳିଛି । ମିଳିଥିବା ସୂଚନା ଅନୁଯାଇ କୋଡିଙ୍ଗା ଥାନା ଅନ୍ତର୍ଗତ ଛାଲିପିଟା ନିକଟସ୍ମ ଭିତେକଗୁଡା ଗ୍ରାମରେ ଶାଶୁ ହିରାଦେଇ ଜାନିଙ୍କ ଘରେ କମଳି ଘର ଜୁଇଁ ଭାବେ ସ୍ତ୍ରୀ ଉର୍ମିଲା ଜାନିଙ୍କ ସହ ରହିଆସୁଥିଲେ । ମଙ୍ଗଳବାର ଦିନ ରାତିରେ କମଳ ଏବଂ ତାଙ୍କ ସ୍ତ୍ରୀ ଉର୍ମିଲାଙ୍କ ମଧ୍ୟରେ ସାମାନ୍ୟ କିଛି କଥାକୁ ନେଇ ଗଣ୍ଡଗୋଳ ହୋଇଥିଲା । ଏଥିରେ ଶାଶୁ ହିରାଦେଇ ସ୍ବାମୀ ଓ ସ୍ତ୍ରୀଙ୍କୁ ବୁଝାସୁଝା କରିବା ପରେ ଶୋଇପଡିଲେ । ରାତି ପ୍ରାୟ ୩ଟା ସମୟରେ ହଠାତ ଚିତ୍କାର ଶୁଣି ଉର୍ମିଲା ଯାଇ ଦେଖୁବା ବେଳକୁ କମଳ ହିରାଦେଇ ମୁଣ୍ଡରେ ଟାଙ୍ଗିଆରେ ପ୍ରହାର କରି ରକ୍ତାକ୍ତ କରିଥିଲେ । ସଙ୍ଗେ ସଙ୍ଗେ ହିରାଦେଇଙ୍କୁ କୋଷାଗୁମୁଡା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ନିଆଯାଇଥିଲା , ଗୁରୁତର ଥିବା ହେତୁ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେଇ ଚିକିତ୍ସା କରାଯାଉଥିବା ସମୟରେ ଗତକାଲି ଅପରାହ୍ନ ସାଢେ ୩ରେ ହିରାଦେଇଙ୍କ ମୃତ୍ୟୁ ଘଟିଥିଲା । ଏନେଇ ଉର୍ମିଲା କୋଡିଙ୍ଗା ଥାନାରେ ଏକ ଏତଲା ଦାୟର କରିଥିଲେ । ଏତଲାକୁ ଭିତ୍ତି କରି କୋଡିଙ୍ଗା ଥାନାରେ ୩୯ / ୨୦୨୧ ପ୍ରକାରେ ଏକ ମାମଲା ରୁଜୁ କରି ହତ୍ୟା ଅଭିଯୋଗରେ କମଳ ଜାନିଙ୍କୁ ଗିରଫ କରି ଆଜି କୋଡିଙ୍ଗା ପୋଲିସ କୋର୍ଟ ଚାଲାଣ କରିଥିବା କୋଡିଙ୍ଗା ପୁଲିସ ସୂଚନା ଦେଇଛି ।