Get real time updates directly on you device, subscribe now.
ନାରାୟଣପାଟଣା : ଆଜି ନାରାୟଣପାଟଣା ପୋଲିସ ତିନି ଜଣ ନକଲି ମାଓବାଦୀଙ୍କୁ ଗିରଫ କରିଛି। ସେମାନଙ୍କଠାରୁ ୭ଟି ଫୋନ୍ ଜବତ କରିଛି ପୋଲିସ । ଏହି ତିନି ମାଓବାଦୀ ନାରାୟଣପାଟଣା ଅଂଚଳର ବୋଲି ଜଣାପଡିଛି । ସେମାନେ ହେଲେ ବାସୁଦେବ ପାଙ୍ଗୀ, ଯୁନେଶ ଖୋସଲା ଓ ସୁରା ତାଡିଙ୍ଗି ଦୀପକ ବୁଧବାଲାଙ୍କୁ ଗତ କିଛିଦିନ ହେବ ରାସ୍ତା କାମ କରୁଥିବା ଜୟପୁରର ଠିକାଦାର ଙ୍କୁ ମାଓବାଦୀ ନାଁରେ ୨୫ ଲକ୍ଷ ଟଙ୍କା ଦାବି କରିଆସୁଥିଲେ । ବାରମ୍ବାର ସିମ୍ ବଦଳାଇ ଫୋନ୍ କରି ଧମକ ଦେଉଥିବାରୁ ଠିକାଦାର ଜଣକ ପୋଲିସର ସହାୟତା ଲୋଡିଥିଲେ ।
ପରେ ପୋଲିସ ଫୋନ୍ ଟ୍ୟାପ୍ କରି ଗତକାଲି ତାଙ୍କୁ ଧରି ପଚରାଉଚରା କରିବାରୁ ପୋଲିସ ନିକଟରେ ମାଓବାଦୀ ନାଁରେ ଟଙ୍କା ମାଗୁଥିବା ସ୍ବୀକାର କରିଥିଲେ । ଏ ନେଇ ଏକ ସାମ୍ବାଦିକ ସମ୍ମିଳନୀରେ ନାରାୟଣପାଟଣା ଥାନା ଅଧିକାରୀ ପ୍ରଦ୍ୟୁମ୍ନ କୁମାର ମହାପାତ୍ର ସୂଚନା ଦେଇଛନ୍ତି।
Comments are closed, but trackbacks and pingbacks are open.