Get real time updates directly on you device, subscribe now.
କୋଲକତା :ଏବେ ପିଆଜ ଦର ଆକାଶ ଛୁଆଁ । ପ୍ରାୟ ୧୦୦ ଟଙ୍କା ପାଖା ପାଖି । ଏବେ ଦେଶରେ ଏକ ପ୍ରକାର ପିଆଜ ସଙ୍କଟ ଦେଖା ଦେଇଛି । ଏହା ଭିତରେ ଏକ ଅଜବ ଘଟଣା ଦେଖିବାକୁ ମିଳିଛି । ପଶ୍ଚିମବଙ୍ଗ ମେଦିନାପୁରରେ ଚୋରମାନେ ଗୋଟିଏ ପରିବା ଦୋକାନରେ ଥିବା ପ୍ରାୟ ୫୦ ହଜାର ଟଙ୍କାର ପିଆଜ ଚୋରି କରି ନେଇଛନ୍ତି । ମାତ୍ର ସେଠାରେ ଥିବା କ୍ୟାଶ ବକ୍ସ ବା ଟଙ୍କା ବାକ୍ସକୁ ଛୁଇଁ ନାହାନ୍ତି ।
ପୂର୍ବ ମେଦିନାପୁର ଜିଲ୍ଲାରେ ଥିବା ଏକ ପରିବା ଦୋକାନରେ ଚୋରି ହୋଇଛି । ସୁତାହାଟରେ ଥିବା ଏହି ଦୋକାନରୁ ଚୋରମାନେ ପ୍ରାୟ ୫୦ ହଜାର ଟଙ୍କାର ପିଆଜ ସହ କିଛି ଅଦା ଓ ରସୁଣ ଚୋରି କରି ନେଇଛନ୍ତି । ମାତ୍ର ସେମାନ ଟଙ୍କା ବାକ୍ସକୁ ଛୁଇଁ ନାହାନ୍ତି । ଏହାର ମାଲିକ ଅକ୍ଷୟ ଦାସ ସକାଳ ଦୋକାନ ଖୋଲିବା ସମୟରେ ସମସ୍ତ ଜିନିଷ ବିଛାଡି ହୋଇ ପଡିଥିବା ଦେଖିବାକୁ ପାଇଥିଲେ । ଏହାପରେ ସେ ତାଙ୍କ ଦେକାନରେ ଥିବା ଅନେକ ପିଆଜ ବସ୍ତା ଚୋରି ହୋଇଯାଇଥିବା ଜାଣିବାକୁ ପାଇଥିଲେ । ଚୋରି ହୋଇଥିବା ପିଆଜର ମୂଲ୍ୟ ୫୦ ହଜାର ଟଙ୍କା ହେବ ବୋଲି ସେ କହିଛନ୍ତି . ମାତ୍ର ଚୋରମାନେ ଟଙ୍କା ବାକ୍ସକୁ ଛୁଇଁ ନଥିବାରୁ ସେ ଆଶ୍ଚର୍ୟ୍ୟ ପ୍ରକାଶ କରିଛନ୍ତି ।
Comments are closed, but trackbacks and pingbacks are open.