ଝୁଲନ୍ତା ଅବସ୍ଥାରେ ପ୍ରେମୀଯୁଗଳଙ୍କ ମୃତଦେହ ଉଦ୍ଧାର

ଉମରକୋଟ: ଝୁଲନ୍ତା ଅବସ୍ଥାରେ ଜଣେ ଯୁବକ ଏବଂ ଜଣେ ଯୁବତୀଙ୍କ ମୃତଦେହ ଉଦ୍ଧାର ହୋଇଛି । ଉଭୟ ପ୍ରେମୀ ଯୁଗଳ ହୋଇଥିବା ନେଇ ଚର୍ଚ୍ଚା ହେଉଛି । ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ଥାନା ଅନ୍ତର୍ଗତ ଫୋଟକି ଗ୍ରାମରେ ଘଟିଛି ଏଭଳି ଅଭାବନୀୟ ଘଟଣା । ମୃତକ ହେଉଛନ୍ତି ନରୋତ୍ତମ ନାୟକ ଏବଂ ସବନମ୍ ବେଗମ୍ ।
ସୂଚନାଯୋଗ୍ୟ ଯେ, ଫୋଟକି ଗାଁ ନିକଟ ଜଙ୍ଗଲରେ ଉଭୟଙ୍କ ମୃତଦେହ ଝୁଲନ୍ତା ଅବସ୍ଥାରେ ଗ୍ରାମବାସୀ ଦେଖିବାକୁ ପାଇଥିଲେ । ମୃତଦେହ ଦେଖିବା ପରେ ପୋଲିସକୁ ଖବର ଦେଇଥିଲେ ଗ୍ରାମବାସୀ । ଘଟଣାସ୍ଥଳରେ ଚନ୍ଦାହାଣ୍ଡି ପୋଲିସ ପହଞ୍ଚି ଉଭୟଙ୍କ ଶବ ଉଦ୍ଧାର କରି ତଦନ୍ତ ଆରମ୍ଭ କରିଛି । ନରୋତ୍ତମ ପୂର୍ବରୁ ବିବାହିତା ଥିଲେ । ତାଙ୍କର ତିନି ବର୍ଷର ଶିଶୁପୁତ୍ର ମଧ୍ୟ ଅଛି । ଯୁବତୀ ଜଣଙ୍କ ମୁସଲିମ୍ ସମ୍ପ୍ରଦାୟର ବୋଲି ଜଣାପଡିଛି । ତେବେ ଉଭୟ ଆତ୍ମହତ୍ୟା କରିଛନ୍ତି କି ତାଙ୍କୁ କେହି ହତ୍ୟା କରିଛି ତାହା ସ୍ପଷ୍ଟ ଜଣାପଡିନାହିଁ ।
ନରୋତ୍ତମଙ୍କ ସ୍ତ୍ରୀଙ୍କ କହିବା ଅନୁସାରେ ଗତକାଲି ରାତିରେ ତାଙ୍କ ସ୍ବାମୀ ଘରେ ଶୋଇଥିଲେ କିନ୍ତୁ ଅଧ ରାତିରେ ସେ କେଉଁଆଡେ ପଳାଇ ଯାଇଥିଲେ । ସେ ଆହୁରି ମଧ୍ୟ ଅଭିଯୋଗ କରିଛନ୍ତି ଯେ, ସଂପୃକ୍ତ ଝିଅର ପରିବାର ସଦସ୍ୟ ଜଣେ ତାଙ୍କୁ ଫୋନ୍ କରି କହିଥିଲେ କୋକେଇ ସଜାଡିଥା ସ୍ବାମୀର ଶବ ଆଣିବାକୁ ଯିବୁ।