ଜଙ୍ଗଲ ନିଅାଁରେ ଜଳିଗଲେ ବୃଦ୍ଧା

ଫୁଲବାଣୀ, (ବି.ବି.ନୁ୍ୟଜ): ଯାହା ଅନୁମାନ କରାଯାଉଥିଲା ତାହା ହିଁ ହେଲା । ଦୀର୍ଘଦିନ ଧରି କନ୍ଧମାଳର ବିଭିନ୍ନ ଜଙ୍ଗଲରେ ଲାଗିଥିବା ନିଅାଁ ଯୋଗୁଁ ବନ୍ୟପ୍ରାଣୀଙ୍କ ସହ ମଣିଷ ଜୀବନ ମଧ୍ୟ ସଙ୍କଟରେ ପଡ଼ୁଥିବା ବାରମ୍ବାର କୁହାଯାଉଥିଲା । ହେଲେ ଏଥିପ୍ରତି ବନ ବିଭାଗର ଖାମଖିଆଲି ମନୋଭାବ ଯୋଗୁଁ ଆଜି ଜଣେ ବୃଦ୍ଧାଙ୍କ ଜୀବନ ଯାଇଛି । ରାଇକିଆ ବ୍ଲକ୍ ବାକିଙ୍ଗିଆ ଗ୍ରାମର ଜଣେ ମହିଳା ଜଙ୍ଗଲକୁ ମହୁଲ ଗୋଟାଇବାକୁ ଯାଇଥିବା ବେଳେ ଜଙ୍ଗଲ ନିଅାଁରେ ଜଳିଯାଇ ସେ ପ୍ରାଣ ହରାଇଛନ୍ତି । ମୃତ ମହିଳା ହେଉଛନ୍ତି ଉକ୍ତ ଗ୍ରାମର ରମାଦେଇ ପ୍ରଧାନ (୭୩) ବୋଲି ପୁଲିସ କହିଛି ।
ସୂଚନା ଅନୁଯାୟୀ, ରମାଦେଇ ସବୁଦିନ ଭଳି ବୁଧବାର ମଧ୍ୟ ଜଙ୍ଗଲକୁ ମହୁଲ ସଂଗ୍ରହ କରିବାକୁ ଯାଇଥିଲେ । ତେବେ ଜଙ୍ଗଲରେ ନିଅାଁ ଲାଗିଥିବା ଦେଖି ସେ ତାକୁ ଆୟତ୍ତ କରିବା ପାଇଁ ଉଦ୍ୟମ କରିଥିଲେ । ହେଲେ ଅସାବଧାନତା ଯୋଗୁଁ ସେହି ନିଅାଁରେ ସେ ଜଳି ଯାଇଥିଲେ । ଜଳୁଥିବା ଜଙ୍ଗଲରୁ ବାହାରକୁ ଆସି ନ ପାରି ଶେଷରେ ସେ ମୃତୁ୍ୟବରଣ କରିଥିଲେ । ଗ୍ରାମବାସୀଙ୍କ ଠାରୁ ଖବର ପାଇ ରାଇକିଆ ପୁଲିସ ସେଠାରେ ପହଞ୍ଚô ବୃଦ୍ଧାଙ୍କ ମୃତଦେହ ଜବତ କରିବା ସହ ବ୍ୟବଚ୍ଛେଦ ପାଇଁ ରାଇକିଆ ଗୋÂୀ ସ୍ୱାସ୍ଥ୍ୟକେନ୍ଦ୍ରକୁ ପଠାଇଛି ।
ତେବେ କର୍ମଚାରୀଙ୍କ ଅଭାବରୁ ଦୀର୍ଘ ୫ଘଣ୍ଟା କାଳ ଶବଟି ବ୍ୟବଚ୍ଛେଦ କେନ୍ଦ୍ର ବାହାରେ ଏକ ଅଟୋ ରିrାରେ ପଡ଼ି ରହିଥିବା ଦେଖିବାକୁ ମିଳିଥିଲା । ଏ ନେଇ ସେଠାରେ କିଛି ସମୟ ପାଇଁ ଉତ୍ତେଜନା ପ୍ରକାଶ ପାଇଥିଲା । ଜିଲ୍ଲା ବିଜେପି ରାଜ୍ୟ କାର୍ଯ୍ୟକାରିଣୀ ସଦସ୍ୟା ଅର୍ଚ୍ଚନା ପ୍ରଧାନ ଏହାକୁ ଏକ ସମ୍ବେଦନଶୀଳ ଘଟଣା କହି ଏଥିପାଇଁ ବନ ବିଭାଗକୁ ଏବଂ ସରକାରଙ୍କୁ ଦାୟୀ କରିଛନ୍ତି । ଜିଲ୍ଲାସାରା ଜଙ୍ଗଲରେ ନିଅାଁ ଲାଗିଥିବା ବେଳେ ବନ ବିଭାଗ ଏହାକୁ ଆୟତ୍ତ କରିବାରେ ବିଫଳ ହୋଇଛି । କର୍ମଚାରୀ ଓ ସାଜ ସରଞ୍ଜାମର ଅଭାବ କହି ଘଟଣାକୁ ଏଡ଼ାଇ ଚାଲିଛି ବିଭାଗ । ଆଜିର ଘଟଣା ସମ୍ପର୍କରେ ବନଖଣ୍ଡ ଅଧିକାରୀ ଲକ୍ଷ୍ମୀଧର ବେହେରାଙ୍କୁ ପଚାରିବାରୁ ତାଙ୍କ ପାଖରେ ଖବର ନଥିବା କହିଛନ୍ତି । ଜଙ୍ଗଲକୁ ମହୁଲ ସଂଗ୍ରହ କରିବାକୁ ଯାଇଥିବା କେହି ବ୍ୟକ୍ତି ପୋଡ଼ିହେଲେ ଆମେ କ’ଣ କରିବୁ ବୋଲି ସେ ପ୍ରକାଶ କରିଛନ୍ତି । ଏହି ଘଟଣାରେ ରାଇକିଆ ଥାନା ପୁଲିସ ୩/୨୧ରେ ଏକ ଅପମୃତୁ୍ୟ ମାମାଲା ରୁଜୁ କରି ତଦନ୍ତ ଆଗକୁ ନେଇଥିବା ଥାନାଧିକାରୀ ତରୁଣ ତପନ ବେହେରା ସୂଚନା ଦେଇଛନ୍ତି