ପଞ୍ଚମ “ବିମୁଗ୍ଧା” ସମ୍ମାନରେ ସମ୍ମାନୀତ ହେଲେ ଆଇ.ମନ୍ମଥ ରାଓ

{ ଗଜପତିରୁ ରେଣୁବାଳା ବେହେରାଙ୍କ ରିପୋର୍ଟ } : ଭୂବନେଶ୍ୱରସ୍ଥିତ ଭଞ୍ଜ ମଣ୍ଡପ ଠାରେ ପଦାମୃତ ନୃତ୍ୟାୟନ ଅନୁଷ୍ଠାନ ପକ୍ଷରୁ ଆୟୋଜିତ ପଞ୍ଚମ “ବିମୁଗ୍ଧା” ଉତ୍ସବ ରେ ପାରଳାଖେମୁଣ୍ଡି ର ଦୂରଦର୍ଶନ ସେକ୍ସୋଫୋନ କଳାକାର ଆଇ.ମନ୍ମଥ ରାଓଙ୍କୁ ପଞ୍ଚମ “ବିମୁଗ୍ଧା” ସମ୍ମାନ ରେ ସମ୍ମାନୀତହୋଇ ଥିଲେ।ଶ୍ରୀ ରାଓଙ୍କୁ ମାନପତ୍ର , ଉପଢୌକନ ଓ ପାଞ୍ଚ ହଜାର ଟଙ୍କା ପ୍ରଦାନ କରାଯାଇଛି।ଉକ୍ତ ଉତ୍ସବ ରେ ଅତିଥି ଭାବେ ସଙ୍ଗୀତ ନାଟକ ଏକାଡେମୀ ର ସଚିବ ଡ଼. ଚନ୍ଦ୍ରଶେଖର ହୋତା , ଗୁରୁ ଧନେଶ୍ୱର ସ୍ବାଇଁ , ପଣ୍ଡିତ ରଘୁନାଥ ପାତ୍ର , ଛଉ ନୃତ୍ୟବିତ୍ ଶୁଭଶ୍ରୀ ମୁଖାର୍ଜୀ , ଅନୁଷ୍ଠାନର ଉପଦେଷ୍ଟା ନୃସିଂହ ଚରଣ ପଟ୍ଟନାୟକ , ପଦାମୃତ ନୃତ୍ୟାୟନ ଅନୁଷ୍ଠାନର ସମ୍ପାଦକ ସୀତାକାନ୍ତ ଜେନା ପ୍ରମୁଖ ମଞ୍ଚାସୀନ ଥିଲେ। ପରେ ଅନୁଷ୍ଠାନର ନୃତ୍ୟ ଗୁରୁ ତଥା ଦୂରଦର୍ଶନ ଶିଳ୍ପୀ ପ୍ରୀତିପ୍ରିୟା ବେହେରା ଓ ବିନ୍ଦୁପ୍ରିୟା ବେହେରାଙ୍କ ନେତୃତ୍ୱରେ ଅନୁଷ୍ଠାନର ଛାତ୍ରଛାତ୍ରୀ ମାନଙ୍କ ଦ୍ବାରା ଓଡିଶୀ ନୃତ୍ୟ ପ୍ରଦର୍ଶନ କରାଯାଇଥିଲା। ମନ୍ମଥଙ୍କ ଏହି ସମ୍ମାନ ପାଇଁ ବିଭିନ୍ନ ମହଲରୁ ଶୁଭେଚ୍ଛା ଜଣାଇଛନ୍ତି।