ବିଡ଼ିଓଙ୍କ ଫାଶୀମାଲ କଲେଜ ପରିଦର୍ଶନ

{ ସମ୍ବଲପୁର କୁଚିଣ୍ଡାରୁ ରିଙ୍କୁ କୁସୁମଙ୍କ ରିପୋର୍ଟ } : କୁଚିଣ୍ଡା ସବ ଡିଭିଜନ ଜମନକିରା ବ୍ଳକ ବିଡ଼ିଓ ଶ୍ରୀ ରବୀନ୍ଦ୍ର ସେଠୀ ସୋମବାର ଫାଶୀମାଲ ଉଚ୍ଚ ବିଦ୍ୟାଳୟ ପରିଦର୍ଶନ କରିଛନ୍ତି। ଫାଶୀମାଲ ଉଚ୍ଚ ବିଦ୍ୟାଳୟ ପରିଦର୍ଶନ ସମୟରେ ଉଚ୍ଚ ବିଦ୍ୟାଳୟ ର ବିଭିନ୍ନ ସମସ୍ୟା ସମ୍ପର୍କ ରେ ଯେପରିକି ଖେଳ ପଡିଆ ପାଇଁ ନୂତନ ବଡା, ଉଚ୍ଚ ବିଦ୍ୟାଳୟ ରେ ଝିଅ ଙ୍କ ପାଇଁ ନିର୍ମାଣ ହୋଇଥିବା ନୂତନ ଶୌଚାଳୟ କାର୍ଯ୍ୟକାରୀ କରିବା, ଅଫିସ ଗୃହ ଛାତ ନିର୍ମାଣ କରିବା ଭଳି ସମସ୍ୟା ସମ୍ବନ୍ଧରେ ଉଚ୍ଚ ବିଦ୍ୟାଳୟ ଅଧ୍ୟକ୍ଷା ଜ୍ୟୋସ୍ନାରାଣୀ ଡଳବେହେରା ଜମନକିରା ବିଡ଼ିଓ କୁ ମୌଖିକ ଭାବେ ଜଣାଇଛନ୍ତି। ଫାଶୀମାଲ ଉଚ୍ଚ ବିଦ୍ୟାଳୟରେ ସରକାର ଙ୍କ ପକ୍ଷରୁ ଅନେକ ଉନ୍ନୟନ କାର୍ଯ୍ୟ ଚାଲୁଥିବା ବେଳେ ଠିକାଦାର ଓ ଯନ୍ତ୍ରୀ ଙ୍କ ମନମୁଖୀ କାର୍ଯ୍ୟ ପାଇଁ ଉକ୍ତ କାର୍ଯ୍ୟ ଗୁଡିକ ସମ୍ପୂର୍ଣ ହୋଇପାରୁନାହିଁ କିମ୍ବା କାର୍ଯ୍ୟ ସମ୍ପୂର୍ଣ ହେଲେ ଉକ୍ତ କୋଠରୀ ଗୁଡ଼ିକ ବିଦ୍ୟାଳୟ କୁ ହସ୍ତାନ୍ତର ମଧ୍ୟ ହେଉନାହିଁ। ଡିସେମ୍ବର ମାସ ୨୩ ତାରିଖ ରେ ବିଦ୍ୟାଳୟ ରେ ପରୀକ୍ଷା ଆରମ୍ବ ହେବାକୁ ଥିବା ବେଳେ ଉଚ୍ଚ ବିଦ୍ୟାଳୟରେ ତିଆରି ହୋଇଥିବା ଦୁଇଟି ଶୌଚାଳୟ ଠିକ ଭାବରେ ନିର୍ମାଣ ହୋଇନାହିଁ ଓ ଏହାକୁ କାର୍ଯ୍ୟକାରୀ ମଧ୍ୟ କରାଯାଇ ପାରୁନାହିଁ ଏଣୁକରି ଏଥିପ୍ରତି ଧ୍ୟାନ ଦେବାକୁ ମଧ୍ୟ ଶ୍ରୀମତୀ ବେହେରା ଅନୁରୋଧ କରିଥିଲେ ଓ ବିଡ଼ିଓ ଶ୍ରୀ ରବୀନ୍ଦ୍ର ସେଠି ଯଥା ସମ୍ଭବ ଏହାକୁ କାର୍ଯ୍ୟକାରୀ କରିବାକୁ ଚେଷ୍ଟା କରିବେ ବୋଲି ମଧ୍ୟ କହିଛନ୍ତି। ପରେ ବିଦ୍ୟାଳୟ ର ଅନ୍ୟାନ୍ୟ ଶିକ୍ଷକ ସହିତ ଆଲୋଚନା କରିଥିଲେ। ଏହି କାର୍ଯ୍ୟକ୍ରମ ସମୟରେ ଫାଶୀମାଲ ର ହରମୋହନ ପଟେଲ, ଯୁବ ସାମ୍ବାଦିକ ଅବଦୁଲ ଗୁଲାମ କାଦିର, ସହିତ ଏପିଓ ମନୋଜ ଭୋଇ, ଓମ ପ୍ରକାଶ ଉପସ୍ଥିତ ଥିଲେ।