ପୋଖରୀରୁ ମିଳିଲା ବୃନ୍ଦାବନଙ୍କ ମୃତଦେହ

କୋଣାର୍କ : ପୋଖରୀରୁ ଯୁବକଙ୍କ ମୃତଦେହ ଉଦ୍ଧାର । ପୁରୀ ଜିଲ୍ଲା ଗୋପ ଥାନା ଗଣେଶ୍ୱର ପଞ୍ଚାୟତ ଲୁଣହାର ଗାଁର ପୋଖରୀରୁ ମୃତଦେହ ଠାବ ହୋଇଛି । ମୃତକ ବୃନ୍ଦାବନ ନାଥ ବୋଲି ଜଣାପଡିଛି । ତାଙ୍କର ଘର ଗଣେଶ୍ୱରପୁର ପଞ୍ଚାୟତ ନାଥ ସାହି ଗାଁରେ ବୋଲି ଜଣାପଡିଛି । ପୋଲିସ ଘଟଣାସ୍ଥଳରେ ପହଞ୍ଚି ଛାନ୍‌ଭିନ୍‌ ଜାରି ରଖିଛି ।
ଖବର ଅନୁଯାୟୀ, ନାଥସାହି ଗାଁର ମୃତ ବୃନ୍ଦାବନ ଜଣେ ଦିନ ମଜୁରିଆ ଭାବେ କାମ କରନ୍ତି । ପ୍ରତି ଦିନ କାମ କରି ଘରକୁ ଫେରନ୍ତି ବୃନ୍ଦାବନ । କିନ୍ତୁ ବୁଧବାର ଦିନ କାମ ସାରି ଆଉ ଘରକୁ ଫେରିନଥିଲେ । ଘର ଲୋକେ ରାତିସାରା ଖୋଜାଖୋଜି କରିଥିଲେ ମଧ୍ୟ କୌଣସି ପତ୍ତା ମିଳିନଥିଲା ।ଶେଷରେ ଆଜି ସକାଳ ସମୟରେ ଲୁଣହାର ଗାଁର ଏକ ପୋଖରୀରେ ମୃତଦେହ ଭାସୁଥିବାର ଦେଖିଥିଲେ ସ୍ଥାନୀୟଲୋକ । ପୋଖରୀରେ ଗୋଡ଼ ଖସିଯିବାରୁ ବୁଡ଼ିଯାଇ ମୃତ୍ୟୁ ବରଣ ହୋଇଥିବା ଅନୁମାନ କରାଯାଉଛି । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିଛି । ଶବ ବ୍ୟବଛେଦ ପରେ ମୃତ୍ୟୁର କାରଣ ସ୍ପଷ୍ଟ ହେବ ବୋଲି ପୋଲିସ କହିଛି କ୍ଷ