Get real time updates directly on you device, subscribe now.
ଡେରାବିଶ,(ବି.ବି.ନ୍ୟୁଜ୍): ପାଟକୁରା ନିର୍ବାଚନ ଯେତେ ପାଖେଇ ଆସୁଛି ବିଜେପି ତାର ପ୍ରଚାରକୁ ଜୋର୍ଦାର କରିବାରେ ଲାଗିଛି । ଆଜି ଅପରାହ୍ନରେ ବିଜେପି ପକ୍ଷରୁ କେନ୍ଦ୍ର କ୍ଷୁଦ୍ରଶିଳ୍ପ ଓ ପଶୁସମ୍ପଦ ରାଷ୍ଟ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ ରୋଡ୍ ସୋ’ ଓ କର୍ମୀ ସମାବେଶ କରି ଦଳୀୟ ପ୍ରାର୍ଥୀ ବିଜୟ ମହାପାତ୍ରଙ୍କ ସପକ୍ଷରେ ପ୍ରଚାର ଅଭିଯାନକୁ ଜୋର୍ଦାର କରିଛନ୍ତି । ଶ୍ରୀ ଷଡ଼ଙ୍ଗୀ ଏବଂ ଦଳୀୟ ପ୍ରାର୍ଥୀ ବିଜୟ ମହାପାତ୍ର ଡେରାବିଶ ବ୍ଲକ ଅଧୀନ ୫ ନଂ(କ) ଜାତୀୟ ରାଜପଥର ପଞ୍ଚୁପାଣ୍ଡବ ଛକ ନିକଟରେ ପହଞ୍ôଚବା ପରେ ଏକ ବିଶାଳ ରୋଡ୍ ସୋରେ ବାହାରିଥିଲେ । ପରେ ଶ୍ରୀ ଷଡ଼ଙ୍ଗୀ ଓ ଶ୍ରୀ ମହାପାତ୍ର ଶୋଭାଯାତ୍ରାରେ ଏଣ୍ଡର, ନରସିଂହପୁର, ବାଲିଆ, ଗୋଲରାହାଟ, ଚାଟରାଚକଡ଼ା ପଞ୍ଚାୟତର ବିଭିନ୍ନ ଗ୍ରାମ ପରିକ୍ରମା କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବର୍ତ୍ତା ପ୍ରଚାର କରିବା ସହିତ ପାଟକୁରାର ସ୍ୱାଭିମାନ ରକ୍ଷା କରିବାକୁ ଆହ୍ୱାନ ଦେଇଥିଲେ । ଏହି ଶୋଭାଯାତ୍ରାରେ ଅନ୍ୟମାନଙ୍କ ମଧ୍ୟରେ ଦଳର ବରିଷ୍ଠ ନେତା କନକ ବର୍ଦ୍ଧନ ସିଂଦେଓ, ମନମୋହନ ସାମଲ, ପୂର୍ବତନ ସାଂସଦ ରବିନାରାୟଣ ପାଣି, ପୂର୍ବତନ ବିଧାୟକ କାଶିନାଥ ମଲ୍ଲିକ, ମୋହନ ମାଝି, ମାନସ ମହାନ୍ତି, ବିକ୍ରମ ରାଉତରାୟ, ସୁକାନ୍ତ ଦ୍ୱିବେଦୀ, ଭୁବନ ମୋହନ ଜେନା, ଦୁର୍ଯ୍ୟୋଧନ ସାହୁ, ଅମର ନାୟକଙ୍କ ସମେତ ବହୁ ବରିଷ୍ଠ ନେତା ସାମିଲ ହୋଇ ବିଜୟୀଙ୍କୁ ପଦ୍ମ ଚିହ୍ନରେ ବିପୁଳ ସଂଖ୍ୟାରେ ଭୋଟ ଦେଇ ଜିତାଇବାକୁ ଭୋଟରମାନଙ୍କୁ ନିବେଦନ କରିଥିଲେ । ବ୍ଳକର ବରିଷ୍ଠ ନେତା ବଟକୃଷ୍ଣ ସାମଲ, ଗଣେଶ ସାମଲ, ସରୋଜକାନ୍ତ ନାୟକ, ମନୋରଞ୍ଜନ ଉପାଧ୍ୟାୟ, ତ୍ରିଲୋଚନ ରାଉତ, ମାନସ ରଞ୍ଜନ ରାଉତ, ଲଳିତ ସାହୁ, ରବିନ୍ଦ୍ର ବେହେରା, ମାନସ ଜେନା ପ୍ରମୁଖ କାର୍ଯ୍ୟକ୍ରମକୁ ପରିଚାଳନା କରିଥିଲେ ।
Comments are closed, but trackbacks and pingbacks are open.