Get real time updates directly on you device, subscribe now.
{” ଗଜପତିରୁ ରେଣୁବାଳା ବେହେରାଙ୍କ ରିପୋର୍ଟ } : ଓଡ଼ିଶୀ ନୃତ୍ୟରେ ଜାତୀୟ ବୃତ୍ତି ପାଇଲେ ପାରଳାଖମୁଣ୍ଡିର ଅଗ୍ରଣୀ ନୃତ୍ୟ ଅନୁଷ୍ଠାନ “ପଦାମୃତ ନୃତ୍ୟାୟନ”ର ଛାତ୍ରୀ ସୁଶ୍ରୀ ନିକିତା ବେହେରା। ନିଜର କଠିନ ପରିଶ୍ରମ ତଥା ଗୁରୁ ଏବଂ ପରିବାରର ସହଯୋଗରେ CCRT govt of India ( junior Category) ତରଫରୁ ପ୍ରତିବର୍ଷ ଚୟନ କରାଯାଉଥିବା ଓଡ଼ିଶୀ ନୃତ୍ୟ ବୃତ୍ତି ପାଇ ପରିବାର ତଥା ଅନୁଷ୍ଠାନ ପାଇଁ ଗର୍ବ ଆଣିଦେଇଛନ୍ତି। ବାପା ଛେଉଣ୍ଡ ଏବଂ ମା’ର କମ୍ ରୋଜଗାରରେ ଗୁରୁଙ୍କ ସହଯୋଗରେ ନିକିତା ର ଏହି କୃତିକାର୍ଯ୍ୟ ପାଇଁ ପାରଳାଖେମୁଣ୍ଡି ର ସୁନାମଧନ୍ୟ କଣ୍ଠଶିଳ୍ପୀ ତଥା ଓଡ଼ିଶା ସଂଗୀତ ନାଟକ ଏକାଡେମୀ ପୁରସ୍କାର ପ୍ରାପ୍ତ ପଣ୍ଡିତ ଶ୍ରୀଯୁକ୍ତ ରଘୁନାଥ ପାତ୍ର , କ୍ରିଏଟିଭ୍ ଆର୍ଟସ୍ ର ସଭାପତି ଶ୍ରୀଯୁକ୍ତ ନୃସିଂହ ଚରଣ ପଟ୍ଟନାୟକ ଏବଂ ଅନ୍ୟ ଅନୁଷ୍ଠାନର ସଦସ୍ୟମାନେ ନିକିତାକୁ ଶୁଭେଚ୍ଛା ଜଣାଇବା ସହ ଗୁରୁ ଶ୍ରୀମତୀ ବିନ୍ଦୁପ୍ରୀୟା ବେହେରା ଓ ଶ୍ରୀମତୀ ପ୍ରୀତିପ୍ରିୟା ବେହେରା ଙ୍କୁ ସେମାନଙ୍କ ନିଷ୍ଠାପର ପରିଶ୍ରମ ପାଇଁ ସାଧୁତା ଜଣାଇଛନ୍ତି।
Comments are closed, but trackbacks and pingbacks are open.